Aktualitet

Gjergj Xhuvani/ Meta: Humbje e madhe për artin dhe kinomatografinë

               Publikuar në : 16:24 - 14/08/19 R Liberale

Presidenti Ilir Meta i ka shprehur ngushëllime familjes Xhuvani për ndarjen nga jeta të regjisorit Gjergj Xhuvani.

Në mesazhin ngushëllues, kreu i shtetit shqiptar, tha se vdekja e Gjergj Xhuvanit është një humbje e madhe për artin dhe kinematografinë shqiptare.

Mesazhi ngushëllues i Presidentit Meta

Me hidhërim të thellë mësova për ndarjen sot nga jeta të Gjergj Xhuvanit!

Ikja kaq e parakohshme e këtij regjisori të shquar, skenaristi e producenti të spikatur, i cili shkëlqeu përmes punës së palodhur krijuese dhe modestisë fisnike, është një humbje e madhe për artin dhe kinematografinë shqiptare, që Ai i dha një dimension të shquar edhe ndërkombëtar.

I shpreh familjes, miqve e bashkëpuntorëve të tij ngushëllimet më të thella e të sinqerta për humbjen e të dashurit të tyre!

Gjergj Xhuvani na la pas një trashëgimi të jashtëzakonshme artistike, që nderohet me respekt nga të gjithë e do të mbahet mend gjithmonë.

I përjetshëm kujtimi i Tij!

(Visited 36 times, 1 visits today)

Etiketa: ,

KOMENTO (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *