Aktualitet

Gazë/ Gazetarja shqiptare rrëfen bisedën e burrit pas bombardimit

Shkruar nga Liberale
Gazë/ Gazetarja shqiptare rrëfen bisedën e burrit pas bombardimit

Ish-gazetarja nga Kosova, Gerantina Kraja, e cila jeton në Izrael bashkë me burrin e saj, gazetarin Nebi Qena, i cili punon për Associated Press ka reaguar për ngjarjen ku dy raketa izraelite shembën një ndërtesë në Gaza ku gjendeshin zyrat e Al Jazeera-s, Associated Press dhe medieve të tjera.

Kraja ka treguar për trishtimin që ka përjetuar teksa ka dëgjuar burrin e saj duke komunikuar me ekipin e tij nga Associated Press-it pas gjithë asaj që ka ndodhur.

“E shtangur nga frika derisa dëgjoj burrin tim Nebi Qena teksa thotë se do të rindërtojnë gjithçka pasi zyrat e Associated Press në Gaza ku qëndronin ekipet e jashtëzakonshme janë shkatërruar nga një sulm ajror i Izraelit”, shkruan Kraja në Twitter.

Për ultimatumin rreth bombardimit, e para kishte njoftuar një gazetare e Al Jazeera-s, duke treguar se Izraeli kishte dhënë një orë kohë për evakuim nga ndërtesa.

Edhe një gazetar holandez ka treguar se brenda ndërtesës s’ka qenë askush kur është bombarduar.

“E pabesueshme. Gazetarët kanë dalë nga ndërtesa me kohë, por pajisjet dhe arkiva, janë shkatërruar”, ka shkruar Olaf Koens.

Liberale Newsroom

Poll
SHQIPENGLISH