Mbrëmjen e së dielës më 17 korrik, trupi i një burri u gjet në një rrugë fshati, me shenja të dukshme të plagëve me thikë.
Shqiptari ishte goditur me thikë në qafë në lagjen Macere, ku banonte.
Sipas rikonstruksioneve fillestare ka mbetur i vrarë shtetasi shqiptar Fation Bylyshi, 31 vjeç. Për momentin nuk dihen shkaqet e vrasjes së tij.
Lidhur me ngjarjen janë arrestuar dy shtetas me kombësi rumune, një 27-vjeçar dhe një 30-vjeçar, të dy të dyshuar kryesorë lidhur me vdekjen ose që mund të çojnë në identifikimin e autorëve të mundshëm.
Një fundjavë e zymtë, në periferi të Romës, pas dy vrasje të tmerrshme të kryera brenda pak orësh.
Natën midis së shtunës dhe të dielës, boksieri amator me origjinë shqiptare Leonardo Muratovic vdiq pas sulmit nga persona ende të paidentifikuar jashtë restorantit Anzio la Bodeguita.
Edhe në këtë ngjarje autori nuk është gjetur ende, ndërsa babai i djalit është arrestuar pasditen e së dielës, pasi ka therë me thikë dhe plagosur dy persona, të cilët sipas tij nuk e kishin mbrojtur djalin e tij mbrëmjen e kaluar.
Babai i boksierit të ri amator me origjinë shqiptare që mbeti i vrarë zgjodhi të vendosë drejtësi vetë ndaj dy personave që shoqëronin të birin.
Ai duket se ka pretenduar se jo vetëm nuk e kanë mbrojtur në momentin e ngjarjes, por nuk kanë dhënë edhe dëshminë e duhur në polici.
Një 50-vjeçar dhe një 30-vjeçar përfunduan të goditur me thikë nga babai i Muratovicit, i cili i goditi pasi dolën nga komisariati i policisë. Pas ngjarjes është arrestuar babai i boksierit, ndërsa kriminelët nuk janë identifikuar ende nga drejtësia italiane. /Liberale.al/
