Aktualitet

FRONTEX/ Komisioneri i BE: Ja pse zgjodhëm Shqipërinë të parën

               Publikuar në : 11:09 - 21/05/19 V Liberale

Nga dita e nesërme i gjithë kufiri mes Shqipërisë dhe Greqisë do të monitorohet nga 50 oficerë të FRONTEX.

Gjatë ceremonisë së nisjes së operacionit të misionit “FRONTEX” në Shqipëri, komisioneri i BE, Dimitris Avramopoulos theksoi se objektiv është kontrolli i fluksit të emigrantëve, lufta ndaj krimit dhe trafikut të qenieve njerëzore.

Ndërsa theksoi se: “Shqipëria është vendi i parë në Ballkan me të cilin BE po shkon para me këtë kaputll të ri. Është një hap i rëndësishëm që na bashkon më shumë”.

“Nis një faze e re mes BE dhe Ballkanit Perëndimor, por hap para drejt operacionalizimit të agjencisë. Sfidat e sigurisë që po hasim sot e ato që mund të përballin, është të punojnë ngushtësisht si fqinj dhe partnerë, ajo që ndodh në Shqipëri dhe Ballkanin Perëndimor prek BE dhe anasjelltas. Kjo na lejon të demonstrojmë para qytetarëve se siguria e tyre është në qendër të vëmendjes sonë. Lëvizja pa viza është arritje madhore, që sjell të mira për të gjitha palët ndaj duhet ta ruajmë, së bashku me rojën shqiptare, Frontex do të bëjnë kontrolle dhe vëzhgime për të parandaluar kalime të paautorizuara dhe të ndalojmë kriminalitetin. Shqipëria mbetet përfundimisht përgjegjëse për ruajtjen e kufirit të saj asnjë pikë dyshimi sa i takon sovranitetit kombëtar, skuadrat tona do të bëjnë detyrat në këtë territor vetëm nën instruksionin dhe praninë e rojës suaj kufitare”, – tha ai. /Gazeta Liberale

(Visited 1 times, 1 visits today)

KOMENTO (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *