Dita e sotme ishte një ditë e veçantë për këngëtaren Manjola Nallbani.
Një ndër zërat më të mirë të muzikës shqiptarë gjatë tri-katër dekadave të fundit festoi ditëlindjen.
Manjola Nallbani ka ndarë një foto në pishinë buzë detit, me rastin e ditëlindjes së saj të 53-të.
E nëse vitet ikin, nga forma fizike për Manjolën, duket se koha ka mbetur në vitet e kulmit të saj të karrierës si këngëtare.
“ Ja të vishemi bukur me kostum si për ditëlindje, meqë na qëllon në 40 gradë. Faleminderit ZOT për çdo ditë e vit të jetës”, i shkruan vetes në mesazhin e saj, që publikoi në rrjetet sociale një ndër këngëtaret më të pëlqyera të publikut.
Manjola Nallbani i përket një brezi të artë artistësh, të cilët shpërthyen në vitet e para të tranzicionit, pas rrëzimit të regjimit komunist, duke i dhënë vlerat që meriton arti dhe muzika shqiptare.
