Globi

Foto/ Tensionet në Jeruzalem, protesta të dhunshme në SHBA dhe Angli

Shkruar nga Liberale
Foto/ Tensionet në Jeruzalem, protesta të dhunshme në SHBA dhe

Dhuna që ka përfshirë Lindjen e Mesme mes Izraelit dhe Hamasit është përhapur edhe në botë dhe kryesisht në SHBA dhe Angli.

Mbështetësit izraelitë dhe palestinezë u përleshën në Nju-Jork. Pamjet jashtë Konsullatës izraelite në Manhattan tregonin protestuesit që përleshen, ndërsa policia përpiqej të mbante të dyja grupet e ndara. Punonjësit e konsullatës u dërguan në shtëpi më herët gjatë ditës për shkak të frikës dhe pasigurisë.

Protestat u zhvilluan edhe në Uashington DC dhe Los Anxhelos, ndërsa dhuna midis Izraelit dhe Hamasit u përshkallëzua brenda natës. Protesta të tjera të ngjashme priten edhe gjatë ditës së sotme në të gjithë SHBA-në.

Shtëpia e Bardhë tha të martën se Izraeli kishte një të drejtë legjitime të mbrohej nga sulmet me raketa, por ushtroi presion mbi Izraelin për trajtimin e palestinezëve, duke thënë se Jerusalemi duhet të jetë një vend i bashkëjetesës.

Po kështu protestuesit pro Palestinës dhe pro Izraelit janë përplasur me njëri-tjetrin dhe policinë në Londër. Aktivistët që tundnin flamuj, parulla dhe pankarta dolën në rrugët e kryeqytetit anglez duke bërë thirrje për t’i dhënë fund dhunës.

Tensionet u ndezën kur policia u përpoq të shoqërojë një grup të vogël të kundër-protestuesve pro Izraelit.

Dhuna shpërtheu dje në Londër ndërsa protestuesit pro-Palestinë u përleshën me policinë gjatë një demonstrate kundër konfliktit të vazhdueshëm në Lindjen e Mesme.

Këshilli i Sigurimit i Kombeve të Bashkuara do të mblidhet sot për të diskutuar krizën e vazhdueshme midis Izraelit dhe Hamasit.

[gallery columns="1" size="full" gss="1" ids="1197979,1197980,1197981,1197982,1197983,1197984,1197985,1197986"]

Liberale Newsroom

Poll
SHQIPENGLISH