Rikthimi i mundshëm i Miley Cyrus në muzikë është i pamohueshëm. Këngëtarja pop publikoi një këngë që u bë virale brenda natës dhe është bërë tingulli i preferuar i krijuesve të përmbajtjeve në TikTok dhe Instagram.
“Flowers” theu rekordin e këngës me më shumë transmetime (100 milionë) brenda një jave në historinë e Spotify, një rekord i mbajtur deri vonë nga Adele me “Easy On Me”. Kënga, e përfolur se kishte të bënte me ish-in e saj Liam Jemsworth, arriti të fshijë listat e tjera në një kohë rekord, duke shkuar drejt e në krye në mbi njëzet vende.
Miley Cyrus veshi një fustan të vogël të zi për të festuar suksesin e këngës së saj të re. Cyrus ndau një postim në Instagram-in e saj duke kërcyer në pistë, duke falënderuar fansat e saj për mbështetjen e tyre në hapin e parë të rikthimit të saj muzikor.
“Festojmë që ‘Flowers’ të jetë numër 1 në mbarë botën edhe këtë javë!” shkroi në përshkrim. Ajo vazhdoi duke thënë: “Më pëlqen fakti që ky album i lidh njerëzit në një mënyrë kaq pozitive dhe është kënaqësi që vazhdoj të bëj muzikë për ju. Këto momente historike në karrierën time janë të mundshme vetëm për shkak të dëgjuesve dhe fansave të mi të jashtëzakonshëm. Pafund mirënjohës”./Liberale.al
