Showbiz

FOTO/ Pse doli e zhveshur duke festuar rrugëve të Romës, flet Lindita Bimi

Shkruar nga Liberale

Vidioja e Lindita Bimit, për triumfin e ekipit të Romës në Conference League, bëri xhiron e rrjetit.

Teksa ishte live në “Instagram”, duke festuar me tifozët italianë ajo hoqi reçipetat në mes të rrugës, pasi duket se kishte vënë bast në rast se fitonte Roma.

Lindita Bimi ka folur për herë të parë për momentet virale në rrjetet sociale, duke sqaruar se iu kishte premtuar tifozëve të Romës se do të zhvishej nëse ekipi i tyre do të fitonte kundër Feyenoord. Ish-konkurrentja e Për’puthen +40 sqaroi se ishte me disa mikesha të sajat në Romë, ndërsa po realizonte videon-live në Instagram.

“Unë jam aty, ma kanë publikuar të tjerët këtë video. Pata dhënë një premtim që po fitoi Roma do zhvishem. E thashë në formë shakaje dhe e bëra me vërtet. Në një video “live” të gjithë po më thonin pse nuk u zhveshe, në fakt unë doja të zhvishesha me bikini me logon e Romës por nuk i gjeta dhe ndodhi kjo. Aty isha me shoqet e mia. Po bënim një video-live, e dija që ishim live. Nuk e mendoj që do ta publikonin. Edhe italianët po më filmonin por kishte edhe të tjera aty që u zhveshën fare.” – tha ish-konkurentja e Përputhen gjatë një interviste televizive.

Në lidhje me reagimet që mori në rrjet, Lindita tha se italianët janë mësuar me gjëra të tilla, madje e kanë komplimentuar. Por nuk ndodh e njëjta gjë me familjarët e saj, pasi Lindita zbuloi se djemtë e saj nuk e kanë pritur aspak mirë veprimin që bëri, madje me njërin nga ata nuk ka më komunikim.

“Nuk është diçka ‘wow’, mua më kanë lagur edhe me shampanjë aty nuk e di nëse është filmuar. Më bënë të gjithë komplienta. Me familjarët kam pasur një problem shumë të madh. Çuni im i madh nuk e priti shumë mirë, as i vogli kuptohet por me atë u mora vesh.

Me të madhin fare dhe nuk më flet më me gojë, sepse ndikohet nga komentet, i thonë “ja mami jot”. I thonë “mami jot e paedukatë, zhvishet para të gjithëve.” Ai e merr më seriozisht se sa unë, po unë s’është se e kam shumë problem. Duke qenë se djali im është ndikuar shumë nga komentet nëse do ta ktheja kohën nuk do ta bëja më. Për momentin nuk më flet. I kam kërkuar ndjesë dhe i kërkoj prapë ndjesë”– rrëfeu ajo.

Liberale Newsroom

Poll
SHQIPENGLISH