Aktualitet

FOTO E DITËS/ Familja që jeton mes skamjes dhe me portretin e Enver Hoxhës në mur

Shkruar nga Liberale

Deputeti i Partisë Demokratike, Lefter Gështenja, 32 vite pas rënies së komunizmit, ka sjellë imazhe shokuese nga copëza tragjike të realitetit shqiptar. Një familje jeton mes skamjes, në varfëri ekstreme, në periferi të qytetit të Librazhdit, aty ku Gështenja është deputet. Magjithatë, ajo vazhdon t'i qëndrojë me besnikëri "idealit" të partisë dhe "udhëheqësit legjendar", çka ka sjellë edhe reagimin e deputetit demokrat, përmes një statusi publikuar në Facebook, si më poshtë:

  "Mos e beso po deshe!

Kur sundon dhe nuk qeveris, atëhere përballesh me këtë realitet të trishtë vetëm 3 kilometra nga qyteti i Librazhdit, sot më datë 29.01.2023!

Mes varfërisë së skajshme, ku jetohet në kushte mesjetare, vazhdon e mbahet në mur ende ish diktatori.

Ky realitet tragjik duhet të na motivojë më shumë për të bindur shqiptarët se varfëria dhe padituria na vjen nga hajdutëria e qeveritarëve", shkruan Gështenja, shoqëruar edhe me imazhet e realitetit të trishtë shqiptar.

/Liberale.al/

Liberale Newsroom

Poll
SHQIPENGLISH