Një dasmë aspak e zakontë është zhvilluar në qytetin e Gjirokastrës. Dy të rinj kanë zgjedhur ta celebrojnë ndryshe dashurinë e tyre, duke bërë betimet në ajër.
Ka qenë kryetari i Bashkisë Gjirokastër, Flamur Golemi që ka bërë publike fotot, pasi ishte ai që bëri ceremoninë shkëmbimit të unazave në balonë.
“Një celebrim martese jo si të tjerët, me siguri i vetmi në Gjirokastër deri më tani. Urimet më të mira për Redonën dhe Nertilin, dy të rinjtë që sot janë zyrtarisht të martuar. I lumtur që isha pjesë e këtij momenti. Uroj të kenë jetë të lumtur dhe të gëzojnë me shumë fëmijë. Celebrimi i dasmës sipër balonës besoj se ka për të qenë edhe një ogur i mirë për eventin Gjiro Air Shoë, i cili është i pari i një serie aktivitetesh që do të organizojmë në vazhdimësi tek Aeroporti i Gjirokastrës”, shkruan Flamur Golemi përkrah fotove të çiftit./Gazeta Liberale