Aktualitet

Flamur Noka shkakton incident në Kuvend, ndërhyn garda

Shkruar nga Liberale
Flamur Noka shkakton incident në Kuvend, ndërhyn garda

Po mbahet në Kuvend seanca e fundit parlamentare për këtë sezon, e cila është shoqërua me debate të forta mes opozitës dhe maxhorancës në lidhje me projektligjin për studentët e mjekësisë.

Ishte deputetja e Partisë Demokratike, Zheni Gjergji, pas një takimi me studentët e mjekësisë që po protestojnë jashtë Kuvendit, kërkoi që këta të fundit të ishin të pranishëm në seancë dhe të pasqyronin argumentet e tyre.

Deputetja kërkoi nga kryetarja e Kuvendit ngritjen e një grupi pune me qëllim që të bisedojë me studentët që ata të jenë të pranishëm në seancë. “Sapo vijmë nga një takim me studentët të cilët kërkojnë të jenë pjesë e kësaj seance ku po diskutohet e ardhmja e tyre. Ata kanë nisur një kërkesë ditën e djeshme drejtuar Kryetares Lindita Nikolla, ku kërkojnë të marrin pjesë në seancë dhe ende nuk kanë marrë ende një përgjigje”, tha Gjergji.

Por në përfundim të fjalës së deputetes, kolegu i saj, Flamur Noka, u përpoq t’i dorëzonte kërkesën e studentëve nënkryetares së Kuvendit, Ermonela Felaj. Noka tentoi të kapërcente karriget e kabinetit qeverisës për të dorëzuar shkresën. Në atë moment ndërhyri Garda dhe deputetit të PD-së iu kërkua që kërkesën ta dorëzonte në sekretarinë e Kuvendit.

“Ka sekretari, nuk jepet duke kapërcyer karriget kërkesa. I jepet sekretarisë dhe i përcillet drejtuesit të seancës. S’ka nevojë të bëni cirk, mund të sillemi si njerëz dhe të mos i vëmë në pozitë punonjësit e Gardës se nuk kanë lidhje me politikën por me pozicionin e tyre të punës”, tha Felaj.

Liberale Newsroom

Poll
SHQIPENGLISH