Sekretari i Pergjithshem i PD Gazment Bardhi ka zhvilluar takime me strukturat në Vaun e Dejes dhe Pukë.
Bardhi thotë se i gjeti demokratët të vendosur për të siguruar që çdo qytetar të votojë i lirë dhe vota e tij të numërohet. Më tej ai shprehet se ndau me ta shqetësimin për kryebashkiakët e dënuar, teksa e cilëson flagrant rastine kryebashkiakut të Vaut të Dejës, Mark Babani.
"Në takimet me strukturat e PD në Vaun e Dejës dhe në Pukë demokratët i gjeta të vendosur për të çuar deri në fund përpjekjen tonë të përbashkët për të siguruar që çdo qytetar të votojë i lirë dhe vota e tij të numërohet.
Ndamë së bashku shqetësimin se përfaqësuesit e Edi Ramës si në administratën qendrore edhe në bashki janë persona me të kaluar kriminale, ose njerëz që nuk përfaqësojnë interesat e qytetarëve. Kjo ka sjell braktisjen masive të qytetarëve, që shkaktuar varfëri, emigracion dhe pasiguri.
Rasti i Vaut të Dejës është flagrant. Kryebashkiaku ilegjitim Mark Babani vazhdon të ushtrojë detyrën me mbrojtjen e Edi Ramës, megjithëse në dokumentat e burgjeve italiane rezulton i dënuar për vjedhje makinash. Për ne është e rëndësishme që alternativa kriminale e Edi Ramës në qeverisjen e vendit është demaskuar në sytë e qytetarëve. Bashkë me qytetarët dhe çdo demokrat nga cep më i largët i Shqipërisë, ne jemi gati ta zhbëjmë këtë të keqe dhe të ndalim bashkëqeverisjen me krimin", shkruan Bardhi./Gazeta Liberale
[gallery columns="1" size="full" gss="1" ids="1118605,1118606,1118604,1118603"]