Një sherr i madh ka shpërthyer në diskotekën La Grotta di Artegna në provincën e Udine në Itali. Rreth orës 2 të natës, se paku 10 persona u përfshinë në një sherr që degjeneroi në dhunë dhe gjak.
Sipas mediave italiane, nga fjalët sherri degjeneroi në ofendime të renda e më pas dhunë, shishe kokës dhe sende të tjera të forta. Një shqiptar, 24 vjeçar me banim në Friuli, u godit në kokë me një shishe qelqi dhe u transportua në spitalin e zonës, me dëmtime të renda, çarje të thella në kokë.
Tre persona, një punëtor shqiptar që banon në Tavagnacco, një punonjës 20-vjeçar nigerian dhe një picajol 26-vjeçar gjithashtu me kombësi shqiptare, u arrestuan nga policia.
Para arrestimit, të rinjtë u mjekuan në spital nga personeli shëndetësor për shkak të dëmtimeve të shumta dhe plagëve që kishin marrë.