Policia skoceze shprehet e shqetësuar për fatin e një shqiptari që është shpallur i humbur prej katër ditësh në zonën Paisley. Sipas medias skoceze, shqiptari i humbur është Iren Muca, 31 vjeç.
Për herë të fundit ai është parë në rrugën Christie Street, rreth orës 2:30 të së shtunës, datë 4 korrik 2020.
Sipas policisë skoceze, Iren Muca flet shumë pak anglisht dhe nuk ka të afërm në këtë zonë.
“Iren kishte pak kohë që kishte ardhur në Paisley dhe nuk e njeh këtë zonë. Tani jemi duke parë kamerat e sigurisë në qytet për të kuptuar lëvizjet e fundit”, thotë Sergeant Megan Bryson.