Presidenti serb, Aleksander Vuçiç mbërrin sot në Tiranë në kuadër të punimeve për të ashtuquajturin Mini-Schengenin Ballkanik. Liderët e Ballkanit Perëndimor do të takohen sot dhe nesër në Tiranë, pas dy takimeve të mëparshme në Serbi dhe Maqedoninë e Veriut.
Ndërkohë, Lëvizja Vetëvendosje në Tiranë ka organizuar protesta për ardhjen e Vuçiç, ku kanë shpalosur edhe pankartën me mbishkrimin: “Vuçiç, një kriminel lufte që vjen të pozojë si bamirës”.
Kujtojmë që Kosova, e cila u ftua të perfaqesohej në nivel presidencial, ka refuzuar ftesën e kryeministrit Rama, duke thënë se Serbia ende mohon krimet e luftës, e në të tilla kushte nuk mund të ketë bashkëpunim./Gazeta Liberale