Ka ndërruar jetë në moshën 58-vjeçare ish-futbollisti italian Gianluca Vialli, pasi luftoi me një tumor të rëndë në pankreas që prej vitit 2017.
Sipas "Fanpage.it", gjendja e tij shëndetësore ishte përkeqësuar shumë ditët e fundit.
Ish-futbollisti i Sampdorias dhe Juventusit ka lënë pas gruan e tij Cathryn White Cooper, me të cilën ishte i martuar që nga viti 2003 dhe dy vajzat e tyre Olivia dhe Sofia.
Vdekja e tij vjen pak ditë pas vdekjes së shokut dhe ish-shokut të skuadrës Sinisa Mihajlovic.
Në vitin 2018, Gianluca Vialli njoftoi se ai tashmë kishte një vit që po luftonte me kancerin e pankreasit. E ka bërë në librin autobiografik 'Synime, 98 tregime plus 1'.
Që atëherë, sëmundja e ka detyruar atë t'i nënshtrohet një operacioni të madh, dhe më pas tetë muaj kimioterapi dhe gjashtë javë radioterapi.
Kjo periudhë e mbante atë larg botës së futbollit, por megjithatë, ai kthehej gjithmonë sapo të përmirësoheshin kushtet e tij shëndetësore. /Liberale.al