Aktualitet

"Gëzuar Kosovë!", nga Lulzim Basha

Shkruar nga Liberale
"Gëzuar Kosovë!", nga Lulzim Basha

Kreu i Partisë Demokratike, Lulzim Basha ka uruar Kosovën sot në Ditën e Pavarësisë.

"Të dashur vëllezër e motra të Kosovës, në ditën e dytë më të rëndësishme të historisë sonë kombëtare, ju uroj nga zemra gëzuar përvjetorin e 12-të të shtetit të Kosovës!Këto nuk kanë qenë vite të lehta për Kosovën,sikundër dhe rruga e së ardhmes është e mbushur me sfida. Por si përherë, jam i bindur se me pjekuri, durim, forcë e mençuri do t'i përballni me sukses të gjitha sfidat përgjatë rrugës së vështirë të shtetformimit", shkruan Basha.

Ai thotë se Kosova dhe Shqipëria do të jenë bashkë në rrugën drejt BE-së, prandaj duhet të jenë edhe më të forta edhe më të qarta se asnjeherë më parë për të sotmen dhe të ardhmen.

Urimi i Lulzim Bashës:

Të dashur vëllezër e motra të Kosovës, në ditën e dytë më të rëndësishme të historisë sonë kombëtare, ju uroj nga zemra gëzuar përvjetorin e 12-të të shtetit të Kosovës!

Këto nuk kanë qenë vite të lehta për Kosovën,sikundër dhe rruga e së ardhmes është e mbushur me sfida. Por si përherë, jam i bindur se me pjekuri, durim, forcë e mençuri do t'i përballni me sukses të gjitha sfidat përgjatë rrugës së vështirë të shtetformimit.

Në këtë ditë kaq të bukur dhe të rëndësishme për kombin, dua të shpreh angazhimin tim se çdo ditë të jetës dhe punës time, sot në krye të opozitës e nesër në krye të qeverisjes së vendit, Kosova dhe aspirata jonë e përbashkët drejt integrimit do të jetë misioni ynë i madh.

Ne do të jemi bashkë në këtë rrugëtim, prandaj edhe më të fortë edhe më të qartë se asnjeherë më parë për të sotmen dhe të ardhmen tonë.

Gëzuar Kosovë! /Gazeta Liberale

Liberale Newsroom

Poll
SHQIPENGLISH