Selena Gomez ishte në një lidhje me këngëtarin kanadez Justin Bieber për një kohë të gjatë, me lidhjen dhe ndarjen e tyre që monopolizonte revistat tabloide të përditshme. Por siç rezulton, dashuria e jetës së saj nuk ishte në fund të fundit Bieber, sipas asaj që këngëtarja tha në emisionin e Jimmy Fallon.
Gomez ishte e ftuar në “The Tonight Show With Jimmy Fallon”, ku për herë të parë zbuloi se kush ishte dashuria e jetës së saj dhe me kë pati puthjen e parë.
Këngëtarja tha se dashuria e jetës së saj nuk ishte Justin Bieber por aktori Cole Sprouse, duke shtuar se ishte e fiksuar pas tij kur ishte më e re. Madje, në dokumentarin e saj me titull "My Mind & Me", Gomez kishte vizituar shtëpinë ku jetonte kur ishte e re dhe në një mur kishte shkruar emrin e Sprouse,
Më pas ajo zbuloi gjithashtu se puthja e saj e parë ishte me Sprouse, por jo me Cole, por me vëllain e tij binjak, Dylan. Kjo nuk është hera e parë që ylli flet për Cole, pasi në vitin 2019 ajo ndau në IG se ishte e dashuruar me një djalë të quajtur Cole./Liberale.al
