Globi

Escobar: Gjithçka që kemi bërë 15 vitet e fundit ka qenë në favor të Kosovës

Shkruar nga Liberale
Escobar: Gjithçka që kemi bërë 15 vitet e fundit ka

Emisari amerikan për Ballkanin Perëndimor, Gabriel Escobar, ka thënë se Shtetet e Bashkuara të Amerikës nuk kanë qenë asnjëherë të vështira ndaj Kosovës e të buta ndaj Serbisë. Ai ka thënë se të gjitha veprimet e SHBA-së për Kosovën, kanë qenë kundër kërkesave të Serbisë.

“Gjithçka që kemi bërë në 90 ditët e fundit dhe 15 vjetët ka qenë në favor të Kosovës. Serbia s’donte që ta njihnim, por ne e bëmë. Serbia s’donte kampanjë njohjesh, por ne e bëmë. Edhe në 90 ditët e fundit, Serbia donte t’i bënim presion Kosovës që t’i shmangë zgjedhjet, ne nuk e bëmë. Donte që të thoshim se zgjedhjet ishin të paligjshme, ne nuk e bëmë. Donte të thoshte se kryetarët ishin të paligjshëm, ne nuk e thamë dhe i njohëm. Sfidoj këdo që të më tregojë se ku kemi qenë të vështirë me Kosovën e të butë me Serbinë”, ka thënë ai duke shtuar se SHBA-ja e ka shtyrë Kosovën në çështjen e Këshillit të Evropës dhe se nga Kosova kërkon “koordinim të ngushtë”.

“Gjithashtu t’i kuptojë obligimet e veta ndërkombëtare. S’mendoj se kjo është diçka që ne ishim të vështirë ndaj Kosovës. Përkundrazi, e kundërta”, ka theksuar Escobar.

Escobari ka thënë se duhen lejuar komunat me shumicë serbe që të ofrojnë shërbime në gjuhën serbe për njerëzit që jetojnë atje. “Kosova duhet të veprojë në mënyrë të shpejtë dhe ta formojë Asociacionin e komunave me shumicë serbe. Obligimet ndërkombëtare të Ohrit duhet të plotësohen”, ka deklaruar ai.

Emisari i BE-së, Miroslav Lajçak ka thënë se mënyra e vetme logjike është rruga e normalizimit. Ai ka thënë se nuk po përpiqen të jenë në mes të dyja palëve.

Sipas tij, për normalizim të marrëdhënieve duhet të ketë një formulë që ua lejon serbëve të kenë mbrojtjen e gjuhës dhe kulturës së tyre, por siç ka theksuar ai, në të njëjtën kohë duhet të respektohet edhe korniza kushtetuese.

 

Liberale Newsroom

Poll
SHQIPENGLISH