Aktualitet

Emri/ Në kërkim për trafik droge nga Interpol, arrestohet 42-vjeçari në Durrës

Shkruar nga Liberale
Emri/ Në kërkim për trafik droge nga Interpol, arrestohet

Një 42-vjeçar është arrestuar në Durrës pasi ka qenë në kërkim për trafik droge nga Italia dhe Interpol.

Julian Mandija do të ekstradohet në Itali pasi ka një dënim nga Gjykata e Apelit në Aquila me 7.4 vite burg.

Së shpejti ai do të përballet me drejtësinë e shtetit fqinj.

NJOFTIMI NGA POLICIA

Durrës

Një tjetër person në kërkim ndërkombëtar bie në prangat e Policisë.

Arrestohet përkohësisht, me qëllim ekstradimi drejt Italisë, 42-vjeçari i dënuar për veprën penale “Trafikimi i lëndëve narkotike” .

Strukturat e Drejtorisë Vendore të Policisë Durrës, si rezultat i shkëmbimit të vazhdueshëm të informacioneve mes ZQK Interpol Tirana, bënë të mundur kapjen dhe arrestimin me qëllim ekstradimin drejt Italisë të shtetasit Julian Mandija, 42 vjeç, banues në Durrës.

Ky shtetas ishte shpallur në kërkim ndërkombëtar, pasi Gjykata e Apelit në Aquila/Itali e ka dënuar me 7 vjet e 4 muaj burg për veprën penale “Trafikimi i lëndëve narkotike”, parashikuar nga Kodi Penal italian.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.

Liberale Newsroom

Poll
SHQIPENGLISH