Aktualitet

Emri/ Berisha: Ja kush është biznesmeni i njohur që u kërcënua nga McGonigal, Duçka e Neza

Shkruar nga Liberale
Emri/ Berisha: Ja kush është biznesmeni i njohur që u

Kryetari i "Rithemelimit", Sali Berisha tha në konferencën për mediat, se biznesmeni Ylli Ndroqi është kërcënuar nga ish-zyrtari i lartë i FBI-së McGonigal dhe dy shqiptarët, Agron Neza dhe Dorian Duçka.

Berisha tha se këtë denoncim Ylli Ndroqi e ka bërë dhe pranë autoriteteve amerikane.

“Një takimin tonë para një jave, ju informova se ekipi McGonigal, tradhtari i kombit amerikane, mafiozët Dorian Duçka dhe Agron Neza kalonin nga një lokal e hotel, duke bërë gjahun e biznesmenëve për t’i rrjepur dhe për t’ju zhvatur atyre mln euro. Jam këtu sot për t’u deklaruar shqiptarëve se njëri nga këta biznesmen, të cilit i kanë kërkuar në maj të vitit 2022 mln për ta hequr nga lista e zezë, është sipërmarrësi i njohur, është drejtuesi i rrjetit televiziv Ora News, Ylli Ndroqi. Duçka, kriminel, dhe të pafytyrë, jo vetëm i kanë kërkuar këtij sipërmarrësi miliona, por refuzimi i tij në prani të dëshmitarëve, që t’ua paguaj atë, është shoqëruar me kërcënime të mëvonshme nga ana e këtyre dy mafiozëve. Unë e përgëzoj zotin Ylli Ndroqi për qëndrimin që ai ka mbajtur. Këtë denoncim Ylli Ndroqi e ka bërë dhe pranë autoriteteve amerikane. Por, Ylli Ndroqi dhe jo vetëm ai, janë dëshmitarë të skenave të shëmtuara se këta çakej iu merrnin dhe kërcënonin biznesmenë të tjerë, në prani të Taulant Ballës.”, tha ai.

Liberale Newsroom

Poll
SHQIPENGLISH