Aktualitet

Emri/ Arrestohet 38-vjeçari në Tiranë, ja për çfarë akuzohet

Shkruar nga Liberale
Emri/ Arrestohet 38-vjeçari në Tiranë, ja për

Policia e Tiranës ka arrestuar një 38-vjeçar, i akuzuar për trafikim të drogave të forta i cili do i dorëzohet Drejtorisë së Policisë të Fierit.

Sipas policisë në pranga ka përfunduar Nadir Lutaj, të cilin Gjykata e Krimeve të Rënda e ka dënuar këtë shtetas me 8 vite burg, për veprën penale “Trafikimi i narkotikëve”.

Njoftimi i policisë:

Tiranë

Vijojnë operacionet nga strukturat e Drejtorisë Vendore të Policisë Tiranë, për kapjen e personave të shpallur në kërkim kombëtar.

Gjatë operacionit kapet dhe vihet në pranga një 38-vjeçar, i dënuar për trafikim të drogave të forta.

Në vijim të punës për kapjen e personave të shpallur në kërkim, paraditen e sotme, nga Seksioni i Kërkimit në bashkëpunim me Sektorin e Forcës Operacionale dhe Kërkimit në DVP Tiranë, në rrugën “Todi Shkurti”, pas informacioneve të marra në rrugë operative, u kap shtetasi Nadir Lutaj, 38 vjeç, i shpallur në kërkim nga Drejtoria Vendore e Policisë Fier.

Gjykata e Krimeve të Rënda e ka dënuar këtë shtetas me 8 vite burg, për veprën penale “Trafikimi i narkotikëve”.

Në vitin 2013, në pikën e kalimit kufitar Vlorë, brenda një automjeti janë gjetur 8 pako me peshë 4.5 kg lëndë narkotike heroinë dhe është arrestuar në flagrancë drejtuesi i mjetit, si dhe është shpallur në kërkim pronari i mjetit, Nadir Lutaj.

Veprimet e mëtejshme do të kryhen nga Drejtoria Vendore e Policisë Fier. /Gazeta Liberale

Liberale Newsroom

Poll
SHQIPENGLISH