Dy të rinj kanë rrahur një infermier në urgjencën shëndetësore të spitalit të Beratit.
Ngjarja ka ndodhur mbrëmjen e djeshme teksa infermieri Ernito Shehu ka qenë në orarin e tij të shërbimit dhe është dhunuar nga të rinjtë Klajd Sharavolli dhe Enson Ndile.
Të rinjtë përkatësisht 20 dhe 22 vjeç kanë rrahur infermierin jo për shkak të detyrës, sipas të dhënave paraprake, por me pretendimin se ai u ka zënë rrugën.
Mësohet se fillimisht ata kanë debatuar me Shehun dhe më pas e kanë qëlluar me shuplakë.
Autorët kanë qenë në gjendje të dehur, ndërsa pas ngjarjes janë shpallur në kërkim nga Policia.