Aktualitet

Elektricisti humbi jetën gjatë punës, arrestohet drejtuesi i punimeve

Shkruar nga Liberale
Elektricisti humbi jetën gjatë punës, arrestohet drejtuesi i

Një elektricist ka humbur jetën, ndërsa një tjetër është dëmuar gjatë punimeve të një defekti ditën e hënë në një lagje të Gjirokastrës.

Ndërkohë, policia ka vënë në pranga drejtuesin e punimeve të OSSH, pasi akuzohet për “Shpërdorim i detyrës” dhe “Shkelja e rregullave të mbrojtjes në punë”.

Po ashtu është proceduar penalisht edhe një operator i dispeçerisë së OSSH-së Gjirokastër, për veprën penale “Falsifikimi i dokumenteve”.

“Specialistët për Hetimin e Krimit Ekonomiko-Financiar në DVP Gjirokastër arrestuan në flagrancë për veprat penale “Shpërdorim i detyrës” dhe “Shkelja e rregullave të mbrojtjes në punë”, shtetasin Sh. O., 52 vjeç, banues në Gjirokastër, me detyrë drejtues i punimeve të grupit të ngritur nga OSSH Gjirokastër, pasi ditën e djeshme, gjatë riparimit të një linje elektrike në lagjen Gërhot, dyshohet se për shkak të moskryerjes së kontrollit dhe mungesës së monitorimit në punën e elektricistëve, janë dëmtuar dy elektricistë, shtetasit G. C dhe A. T. Shtetasi G.C, ka ndërruar jetë më vonë në spital.

Gjithashtu u referuan materialet në Prokurori për veprën penale “Falsifikimi i dokumenteve”, për shtetasin K. H., 64 vjeç, banues në Gjirokastër, me detyrë operator i OSSH Gjirokastër, pasi dyshohet se ka falsifikuar dokumente duke ndërhyrë në librin e dispeçerisë së OSSH Gjirokastër”, thuhet në njoftimin.

Materialet i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme.

Liberale Newsroom

Poll
SHQIPENGLISH