Aktualitet

Elbasan/ Goditet një rast i trafikut të minave me telekomandë

Shkruar nga Liberale
Elbasan/ Goditet një rast i trafikut të minave me telekomandë

Policia e Elbasanit ka goditur një rast të trafikimit të minave me telekomandë. Në kudër të operacionit të koduar “Bradasheshi” në pranga u vu poseduesi i tyre, shtetasi me iniciale K., 48 vjeç, banues në Durrës.

Polici ka dyshime se në këtë veprimtari janë të përfshirë edhe persona të tjerë dhe po punohet për identifikimin e kapjen e tyre.

“Në vijim të punës për parandalimin dhe goditjen e rasteve të trafikimit të minave me telekomandë, bazuar dhe në informacionet e marra në rrugë operative se një shtetas që ndodhej në një lokal në fshatin Bradashesh, Elbasan, kishte me vete mina me telekomandë, me qëllim shitjen e tyre, kanë organizuar dhe finalizuar me sukses operacionin policor të koduar “Bradasheshi, në kuadër të të cilit u arrestua në flagrancë shtetasi: A. K., 48 vjeç, banues në Durrës. Gjatë kontrollit të ushtruar nga shërbimet e Policisë, këtij shtetasi iu gjetën dhe sekuestruan në cilësinë e provës materiale 2 mina me telekomandë”, thuhet në njoftimin e policisë.

Specialistët për Hetimin e Krimeve ndaj Personit në Drejtorinë Vendore të Policisë Elbasan, në bashkëpunim me Prokurorinë e Rrethit Gjyqësor Elbasan, po vijojnë hetimet për identifikimin e personave të tjerë që janë të implikuar në këtë veprimtari kriminale.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

Liberale Newsroom

Poll
SHQIPENGLISH