Ekspertiza paraprake e kryer nga mjekët e Mjekësisë Ligjore, ka dalë në përfundim se 40-vjeçari Florjan Lamçe ka humbur jetën si pasojë e goditjeve të forta.
“Vdekja e tij është shkaktuar nga një goditje e fortë në kokë me këmbën e karriges, e cila i ka çarë kafkën, dhe, sërish nga goditjet, ai ka pësuar edhe një çarje të aortës në parakrahun e majtë”, thuhet në ekspertizë.
Analizat e gjakut si edhe të alkoolit u janë marrë edhe dy të dyshuarve të tjerë, Sokol Sanxhaktari si edhe Adriano Hajdari, ku paraprakisht që të dy kanë rezultuar të dehur në momentin që kanë kryer krimin.