Aktualitet

Dy turistë aksidentohen te “Syri i Ciklopit”, transportohen me helikopter drejt Traumës

Shkruar nga Liberale

Dy turistë të cilët u plagosën gjatë eksplorimit të natyrës, në vendin e quajtur “Syri i Ciklopit”, pasi ranë nga një lartësi u shpëtuan falë ndëhyrjes në kohë të policisë.

Sot, rreth orës 16:30, në zonën e quajtur “Syri i Ciklopit”, duke eksploruar natyrën, dyshohet se kanë rënë nga lartësia, në një zonë me terren shumë të vështirë, shtetasit D. K., 50 vjeçe dhe K. K., 80 vjeç.

Shërbimet e Komisariatit të Policisë Nr. 1, sapo janë njoftuar, kanë organizuar punën me qëllim nxjerrjen e tyre nga vendi ku ishin rrëzuar.

Falë ndërhyrjes së shërbimeve të Policisë, shërbimit mjekësor dhe emergjencave është bërë e mundur nxjerrja e 2 shtetasve të dëmtuar, dhe dhënia e ndihmës së parë.

Duke vlerësuar rrezikun për transportimin e të dëmtuarve me barrelë, nga vendi ku kishin rënë, deri te ambulanca, është bërë e mundur që me një helikopter, të transportohen për në Spitalin e Traumës./Liberale.al/

Liberale Newsroom

Poll
SHQIPENGLISH