Globi

Dy trena përplasen në Katalonjë, 150 pasagjerë mbeten të plagosur

Shkruar nga Liberale

Një aksident i rëndë hekurudhor ka ndodhur paraditen e sotme në rajonin e Katalonjës në Spanjë, teksa dy trena u përplasën në afërsi të Barcelonës, duke lënë të plagosur më shumë se 150 pasagjerë.

Ndodhi një përplasje midis dy trenave në orën 7:50 të mëngjesit në stacionin Montcada i Reixac-Manresa, në linjën që shkon për në Barcelonë, që do të thotë se një tren u përplas në pjesën e pasme të tjetrit“, tha një zëdhënës i operatorit hekurudhor shtetëror.

Pasagjerët e tmerruar ‘ulërinin’ ndërsa një tren u përplas në pjesën e pasme të një tjetri në një stacion në Montcada i Reixac, një qytet në veri të Barcelonës, gjatë orës së pikut.

Shërbimet e urgjencës për Katalonjën thanë se 150 persona pësuan lëndime të lehta, ndërsa pesë te plagosur ishin më rëndë se të tjerët.

Shërbimet e urgjencës shkuan në vendngjarje dhe evakuuan pasagjerët nga dy trenat brenda gjysmë ore.

Raportet fillestare sugjerojnë se një tren po udhëtonte me shpejtësi dhe u përplas me një tren tjetër të palëvizshëm që ishte ndalur në platformën në Montcada i Reixac.

Liberale Newsroom

Poll
SHQIPENGLISH