Madonna është padyshim një nga fytyrat më të famshme në planet. Por kur ajo doli në skenë për të paraqitur një çmim në Grammy 2023 të dielën mbrëma, fansat e saj më të devotshëm u trembën ta takonin.
Ashtu siç pritej, shumë e pyetën veten se çfarë operacioni plastik i është nënshtruar këngëtarja 64-vjeçare. Kirurgët më të mirë plastikë në mbarë botën shprehin besimin se Madonna ka pasur “mbushje të tepërta dhe botox” duke mos përjashtuar mundësinë e një ngritjeje të fytyrës dhe operacionit të hundës.
Dr. Michael Horn, një kirurg plastik i certifikuar nga Chicago, Illinois, tha për DailyMail se ai beson se Madonna mund t’i jetë nënshtruar së fundmi një operacioni estetik.
“Performanca e saj në Grammy tregoi versionin më të ndryshëm të Madonna-s që kemi parë. Ajo ka bërë një lifting të fytyrës… Kjo është evidente sepse lëkura e saj është e shtrënguar dhe e tërhequr pas pa rrudha. Sytë e saj gjithashtu duken më të vegjël, ndoshta për shkak të tërheqjes gjatë ngritjes së fytyrës. Madonna kishte një hundë natyrale që përputhej me fytyrën e saj. Duket sikur ajo ka bërë një rinoplastikë në hundë sepse ajo ka një majë të mprehtë dhe duket shumë e ngushtë.”
E njëjta mjeke deklaroi gjithashtu se “Botoksi ishte i dukshëm edhe në shumë zona të fytyrës së saj”, ndërsa vuri në dukje mungesën e “linjave të shprehjes dhe rrudhave”, si dhe “lëvizjen minimale të fytyrës” gjatë fjalimit të saj.
“Ajo që është më e dukshme dhe më e habitshme është ndryshimi drastik i formës së fytyrës së Madonna-s në formë V”, shtoi ai.
“Duket se ajo ka përdorur shumë filler ndër vite, duke i dhënë fytyrës një pamje të plotë dhe duke hequr strukturën natyrale që kishte dikur. Mollëzat e saj janë më të mprehta se kurrë dhe duken në mënyrë të panatyrshme të larta.”
Së fundi, Dr. Horn vuri në dukje një ndryshim në trashësinë e vetullave të saj, si dhe në vijën e flokëve, duke lënë të kuptohet se ajo ka pasur një operacion edhe në ato zona.
“Duket gjithashtu sikur ajo ka ngritur vetullat, gjë që është më e dukshme se vetullat e saj të holla, të cilat më parë ishin të trasha”, përfundoi ai.
Pas paraqitjes së saj, shumë dolën në Twitter për të komentuar pamjen e saj të re, me njërin prej të cilëve shkruante: “Madonna nuk më duket mjaftueshëm si Madonna”.
“Madonna duket ‘e rifreskuar’ lol,” u tall njëra, ndërsa një tjetër shkroi: “Madona duhet të ndalojë së kryeri operacione plastike dhe të pranojë faktin që po plaket. Ajo është pothuajse e panjohur për momentin”./Liberale.al
