Pas arrestimit të shefit të komisariatit të Kurbinit Dritan Metaj, në vend të tij është emëruar Shkëlzen Metushi. Ky i fundit më herët mbante postin e shefit të sektorit të forcës së posaçme “Shqiponja”, në Drejtorinë e Policisë së Tiranës.

Metaj u arrestua tre ditë më parë nga kolegët e tij pas një urdhër arresti të SPAK. Ai akuzohet si i përfshirë në grupin e strukturuar kriminal të "baronit" të drogës Gëzim Çelaj, i cili ëshë në kërkim.

Gjykata caktoi masën e sigurisë "arrest me burg" për Dritan Metajn, i cili para pranoi para togave të zeza njohjen dhe takimet me Gëzim Çelën, por sipas tij nuk i shmangte dot për shkak të njohjeve të vjetra që ata kishin me njëri-tjetrin.