Në një intervistë në ‘Good Morning Britain’, ish-pronari i Formula 1, 91 vjeç Bernie Ecclestone, e quajti Vladimir Putin një ‘person të klasit të parë dhe të arsyeshëm’, duke shtuar se ‘do ta merrte një plumb për të’.
Komenti vjen pas sulmeve ruse në ndërtesat e banimit dhe në një qendër tregtare në Ukrainë këtë javë. Sulmi i fundit u cilësua krim lufte nga udhëheqësit perëndimorë.
Ecclestone, megjithatë, tha se humbje të tilla të jetëve të civilëve”nuk ishin të qëllimshme”, pavarësisht se dhjetëra mijëra të pafajshëm mbetën të vdekur nga bombardimet.
Miliarderi është një admirues prej kohësh i Putinit dhe dyshja janë parë në ngjarje sportive së bashku, shpesh në biseda të thella, ose duke qeshur.
Miqësia e tyre lulëzoi pas prezantimit të Çmimit të Madh të Rusisë në 2014. Edhe një ditë pasi trupat ruse sulmuan Ukrainën në shkurt të këtij viti, Ecclestone e përshkroi Putinin si ‘të nderuar’ dhe dikë që ‘bëri pikërisht atë që tha se do të bënte, pa asnjë argument’.
Ecclestone sulmoi presidentin e Ukrainës Volodymyr Zelensky, duke thënë se ai ishte një komedian para luftës në Ukrainë dhe dukej se “donte të vazhdonte të ishte i tillë”.
Ai më pas këmbënguli se pushtimi ‘mund të kishte përfunduar ndryshe’, nëse Zelensky do të kishte biseduar me Putinin.
Ai shtoi: “E kuptoj që ai ka qenë komedian dhe mendoj se ai duket se dëshiron të vazhdojë atë profesion… Unë mendoj, se nëse ai do të kishte menduar për gjërat, patjetër do të kishte bërë një përpjekje mjaft të madhe për të folur me zotin Putin, i cili është një person i arsyeshëm dhe do ta kishte dëgjuar dhe ndoshta do të kishte bërë diçka për këtë, për të zgjidhur konfliktin ndryshe”.
Prezantuesi Ben Shephard e pyeti Ecclestone-in rreth mijëra jetëve të pafajshme të vrarë në Ukrainë, duke iu drejtuar me fjalët: ‘Nuk mund ta justifikosh këtë, me siguri?’
Ecclestone u përgjigj: “Unë nuk e bëj. Nuk ishte e qëllimshme, shikoni në çdo kohë Amerika ka lëvizur në vende të ndryshme që nuk ka të bëjë fare me Amerikën. Dhe jam shumë i sigurt se Ukraina, nëse do të donte të dilnin prej saj siç duhet, mund ta kishte bërë.”
Ecclestone u shfaq nga një çati me diell në Ibiza këtë mëngjes për të dhënë mendimet e tij edhe mbi stuhinë raciste që përfshiu F1. Ai mbrojti Nelson Piquet, i cili gjatë një interviste e quajti Lewis Hamilton ‘zezak’.
Ecclestone e zbuloi Piquet, djalin e një politikani të shquar brazilian, më shumë se 40 vjet më parë, kur dhe do ta fuste në piste fshehurazi nëpërmjet bagazhit të makinës së tij.
“Ai ndoshta i mendon shumë gjërat që thotë, të cilat mund të na shqetësojnë ose mund të ndihen pak fyese… por kjo nuk është asgjë. Është vetëm pjesë e bisedës. Nelson nuk do të dilte kurrë nga rruga e tij për të thënë diçka të keqe, sigurisht. Mendoj se çfarë ka ndodhur ndoshta, duke e njohur Nelson siç e njoh unë, pasi vajza e tij është e dashura e Max Verstappen, pasi pa aksidentin, ai ndoshta shpërtheu pak”, ka justifikuar Ecclestone mikun e tij./Përshtati Liberale.al
