Globi

Djali i politikanit radikal vret dy anëtarë LGBT, më pas kryen vetëvrasje

Shkruar nga Liberale
Djali i politikanit radikal vret dy anëtarë LGBT, më pas kryen

Dy persona kanë vdekur dhe një tjetër është plagosur si pasojë e të shtënave në një bar për pjesëtarët e komunitetit LGBT (homoseksual, lesbike, biseksual dhe transgjinor) në kryeqytetin e Sllovakisë, Bratislavë.

Dy persona kanë vdekur dhe një tjetër është plagosur si pasojë e të shtënave në një lokal i cili frekuentohej nga  pjesëtarët e komunitetit LGBT (homoseksual, lesbike, biseksual dhe transgjinor) në kryeqytetin e Sllovakisë, Bratislavë. I dyshuari është gjetur i vdekur në mëngjesin e së enjtes, ka thënë policia. Informacionet për motivin e sulmit nuk janë bërë të ditura.

Megjithatë, mediat lokale kanë raportuar se ai ka pasur disa postime në rrjetet sociale, në të cilat kuptohet se kishte urrejtje kundër komunitetit LGBT dhe hebrenjve. Sipas mediave të huaja, agresori ka qenë sllovak dhe djali i një ish-kandidati për një parti politike të ekstremit të djathtë. Të enjten, kryeministri sllovak, Eduard Heger, e ka dënuar sulmin, duke thënë se kjo formë e ekstremizmit është e papranueshme.

Ndërkohë, presidentja, Zuzana Caputova, u ka bërë thirrje politikanëve shtetërorë që të mos përhapin urrejtje. Ky rast, që dyshohet se është krim mbi baza të urrejtjes, ka rikthyer thirrjet për t’i dhënë fund homofobisë në Sllovaki.

Në këtë shtet, relativisht konservator të Bashkimit Evropian, nuk janë të lejuara martesat e personave të gjinisë së njëjtë. /Rel/

Liberale Newsroom

Poll
SHQIPENGLISH