Tërmeti me magnitudë 5.3 të shkallës Rihter që goditi Greqinë mbrëmjen e së dielës ka shkaktuar dëmtime edhe në Shqipëri.
Sipas Klan, janë konstatuar 6 banesa të dëmtuara në zonën e Bilishtit. Sipas Bashkisë së Bilishtit, 2 banesa janë dëmtuar në qytet, 2 në Shuec dhe 2 në Mançurisht. Banesat e dëmtuara janë të amortizuara dhe të vjetra.
Epiqendra e tërmetit të fortë ishte Follorina. Kjo zonë është fare pranë kufirit shqiptar në juglindje të vendit.
Lëkundjet e tërmetit janë ndjerë edhe në Maqedoninë e Veriut e deri në Kosovë.