Politikë

Deputetët e opozitës morën pjesë në komisionet online, ironizon Çollaku: Natën përfitojnë grante nga Rama dhe ditën përmbysin karrige me sms të Berishës

Shkruar nga Liberale
Deputetët e opozitës morën pjesë në komisionet online,

Nënkryetari i Partisë Demokratike, Kreshnik Çollaku ka reaguar pas pjesëmarrjes së deputetëve të opozitës në mbledhjen online të komisioneve sot.

Në një postim në rrjetin social Facebook, Çollaku ironizon pjesëmarrjen e deputetëve të opozitës, teksa shprehet se hetimi i fondeve qeveritare të AZHBR dhe publikimi i afërt i listës së përfituesve, mesa duket ia ka këputur gjunjët ndonjë Aksionisti të opozitës.

Më tej shton se nuk bëhet dot opozitë kur natën përfiton grante nga qeveria me SMS të kryeministrit Edi Rama dhe ditën përmbys karrige me SMS të ish-kryeministrit Sali Berisha.

Reagimi i plotë:

Sot në mbledhjen e Byrosë Parlamentare.

Revolucion Parlamentar i çuditshëm, as lajmëruan kur e filluan, as lajmërojnë që e lanë mes rruge.

Hetimi i fondeve qeveritare të AZHBR dhe publikimi i afërt i listës së përfituesve, mesa duket ia ka këputur gjunjët ndonjë Aksionisti të opozitës.

Se opozitë nuk bën dot, kur natën perfiton grante nga qeveria me sms të Edi Ramës e ditën përmbys karrige me sms të Doktorit.

Liberale Newsroom

Poll
SHQIPENGLISH