1

Debati në Big Brother Vip/ Kërcimtari shqiptar më famë në SHBA mbështet Ilirin

               Publikuar në : 12:16 - 11/01/22 ro ot

Big Brother Vip Albania, përtej polemikave që ka shkaktuar ku shpeshherë është hapur debati nëse personazhet brenda shtëpisë janë me të vërtetë VIP dhe meritojnë të jenë aty, ka treguar se ka qenë një show i ndjekur dhe i komentuar. Kjo jo vetëm brenda Shqipërisë, por edhe në vendet ku ka shqiptarë, të cilët vijojnë të ndjekin me kërshëri ngjarjet që ndodhin nga vendi i tyre.

Ka qenë pikërisht Ilir Shaqiri, i cili ka tërhequr vëmendjen e Tony Dovolani, një kërcimtar profesionist shqiptar, i cili ka shkuar në Amerikë si refugjat, por falë pasionit dhe talentit të tij për kërcimin, është bërë një nga kërcimtarët më të njohur dhe ka pasur suksese të herëpashershme.

Dovolani ka reaguar pikërisht për debatin mes Ilirit dhe balerinit tjetër Elton Merja, i cili ka shprehur hatërmbetjet, pasi në në një audicion në Romë ku Iliri ka qenë pjesë e jurisë, nuk e ka zgjedhur për të vazhduar në fazën tjetër. Përveç këtij fakti, ai kujtoi se Iliri nuk e kishte ndihmuar, ndonëse në Itali ditët për të nuk kishin qenë aspak të lehta.

Kërcimtari i njohur shkruan se akuzat mbi Ilirin nuk janë të drejta dhe se gjithësecili duhet t’ia dalë falë punës dhe talentit dhe jo nëpërmjet njohjeve.

“Kjo nuk është e drejtë për Ilirin. Audicionet janë të vështira, në fund të ditës ajo që nevojitet për projektin nuk është personale. Nëse kjo është e vërtetë, asnjë prej nesh nuk do t’ia dilte kurrë nëse të gjithë do të punësoheshim bazuar në njohjen e dikujt. Talenti juaj, aftësitë tuaja duhet të hapin dyert. Të bëhesh kampion bote nuk ndodh duke njohur njerëz, por duke bërë punën. Shumë dashuri”, komenton ai në një video të Ilirit në faqen e Big Brother Vip në Instagram.

Kush është Tony Dovolani?

Ka lindur dhe është rritur në Prishtinë, por me origjinë është nga Dibra. Në prill të 1989, në moshën 14 vjeçare, është larguar drejt Amerikës së bashku me familjen e vet. Siç ka treguar në një intervistë për mediat shqiptare ka udhëtuar drejt SHBA-ve si refugjat, pasi iu refuzua viza, edhe pse babai i tij ishte diplomat.

Duke qenë se xhahxallarët e tij ishin aktivistë politik që punonin në stë kohë për ndarjen e Kosovës nga Republika Federale e Jugosllavisë, regjimi i Millosheviçit i vuri në shënjestër, duke i detyruar të largoheshin.

Në moshën 15 vjeçare nisi punë si pjatalarës në një restorant, duke mos harruar kurrë pasionin për kërcimin. Më pas u regjistrua Akademinë e Vallëzimit “Fred Astaire”. Në vitin 1998 përfaqësoi SHBA-në në kampionatin botëror të vallëzimit.

Toni Dovolani ka udhëtuar nëpër botë si kërcimtar profesionist dhe ka fituar kompeticione të ndryshme. Në 2005 ka qenë kampion i “Ritmit Botëror” të vallëzimit. Ka ndihmuar në realizimin e filmit “Shall we Dance?” (A do të vallëzojmë?), ku kanë marrë pjesë aktorët më të njohur të Hollivudit, Richard Gere dhe Jennifer Lopez.

Dovolani trajnoi Jennifer Lopez si të kërcejë, por gjithashtu luajti një rol të vogël në film, rolin e një djali negativ latin. Por do të ishte pikërisht spektakli “Dancing with the stars” (Vallëzim me yjet), që me të vërtetë do ta bënte Toni Dovolanin një “yll”, jo vetëm të afirmuar në fushën e vallëzimit, por të admiruar edhe nga miliona shikues.

Ai fituar edicionin e 15-të të këtij spektakli, ku si partnere të tij ka pasur balerinën Melissa Rycroft./Liberale.al

<
>
034881855ae5243d9a2dafe87c1693a9 all-my-children-stars gettyimages-186209203 Chippendales Welcomes Tony Dovolani From "Dancing With The Stars" As The Latest Celebrity Guest Host In Residency At The Rio All-Suite &amp; Casino shall-we-dance_1280 TonyDovolani2018-2

 

Tags: , ,


KOMENTO (0)

Shkruaj nje koment

Your email address will not be published. Required fields are marked *

* *

Back