Një i ri u ndalua sot nga policia britanike pasi tentoi ti vinte flakën vetes, përpara Parlamentit Britanik. Sipas dëshmitarëve okularë djali u spërkat me benzinë, me qëllim për t’u djegur në shenjë proteste.
Ngjitur me personin që po tentonte vetëvrasjen ishte një tabelë ku shkruhej ‘Ne votuam largimin’. Fatmirësisht, forcat e e policisë dhe zjarrfikësja ndërhynë në kohë duke i shpëtuar jetën të riut, i cili u shoqërua për hetime të mëtejshme.
Dëshmitari Richard Davey, 67 vjeç, tha: ‘Unë isha duke qëndruar pranë shandanit pesë metra larg.
Ai hodhi disa broshura rreth e rrotull. Unë nuk arrita ta kuptoja se çfarë shkruhej saktësisht, e më pas personi filloi të lagte veten me benzinë.
Atëherë dikush tha që ishte benzinë dhe në tjetër bërtiti:Vraponi, vraponi, vraponi. Kështu bëra, dhe arrita në mes të rrugës dhe thërrita tek polici që ndodhej aty që të shkonte në vendngjarje. Policia erdhi, dhe e prangosën të riun.
Një tjetër dëshmitar i cili nuk dëshiron të tregojë identitetin tha: I riu nxori nga çanta shishen prej dy litrash, mendova se ishte ujë, po më pas i ndjeva erën që ishte benzinë. Sapo e pashë që e derdhi në trup, u frikësova dhe thashë, ikni m*tin se po digjet.
