Aktualitet

Brataj: Masat kufizuese do hiqen kur të arrihet imunizimi i tufës

Shkruar nga Liberale
Brataj: Masat kufizuese do hiqen kur të arrihet imunizimi i tufës

Masat kufizuese në Shqipëri do të hiqen përfundimisht vetëm kur të bëhet e mundur arritja e imunitetit të tufës mbi 70%. Lajmin e ka bërë me dije vetë shefi i Urgjencës Kombëtare, Skënder Brataj.

Në një intervistë në Report Tv, Brataj është shprehur se ende duhet pasur shumë kujdes me pandeminë pasi moshat e reja mbajnë “rekord” për trasmentimin e saj. Më tej, ai ka shtuar shtuar se efektin e vërtetë të festave të fundvitit tek pandemia në vendin tonë do ta shohim në fund të janarit.

“Përfundimisht masat do të hiqen kur të bëhet imunizimi i tufës, pra të kalojë 60-70%. Duhet pasur shumë kujdes. Adoleshenca e merr në qafë familjen. Po shohim situatën në Korçë që ishte tipike e grumbullimit të Tiranës në festat e fundvitit, më mirë do ta shohim në fund të janarit. Edhe universitetet nuk duhet të hapen. Mbajtja e maskës patjetër e jep efektin e vetë pasi nuk po na mbërrin gripi akoma. Fundi i pandemisë nuk është i lidhur me vendin tonë por me të gjithë botën. Vaksina vërtetë është fillimi i fundit të pandemisë por ajo sa ka filluar. Do të durojmë edhe disa muaj të tjerë,“- tha Brataj.

Liberale Newsroom

Poll
SHQIPENGLISH