Ushtria izraelite njoftoi se sot ka kryer sulme të shumta ndaj objektivave ushtarake në Teheran, kryesisht qendra komandash, fabrika raketash dhe depo magazinimi. Më shumë se 50 avionë luftarakë u angazhuan në operacion, që sipas tyre është pjesë e një serie sulmesh të fundit ndaj infrastrukturës ushtarake iraniane.

Ministri i Mbrojtjes së Izraelit e përshkroi goditjen si “me forcë të paparë”, ndërsa autoritetet iraniane konfirmuan sulmin edhe ndaj burgut të Evin-it në Teheran. Sipas televizionit shtetëror iranian, rreth 500 persona kanë humbur jetën dhe mbi 3,000 janë plagosur që nga sulmet e fundit.

Në këtë situatë të tensionuar, presidenti amerikan Donald Trump kërkoi në rrjetet sociale që çmimet e naftës të mbahen të ulëta, duke paralajmëruar kompanitë që të mos “luajnë me duart e armikut”. Kjo reagim erdhi pas paralajmërimeve nga Irani për mbylljen e Ngushticës së Hormuzit, një rrugë detare strategjike për furnizimin me naftë në nivel global, përmes së cilës kalon rreth 20% e naftës së botës.

Situata në rajon mbetet e tensionuar dhe bota ndjek me shqetësim zhvillimet që mund të ndikojnë rëndë në tregjet energjetike dhe stabilitetin global.