Bota

PREKËSE! U tërhoq zvarrë dhe u mor peng nga Hamas, vajza kthehet në shtëpi pas 471 ditësh. FOTO-ja që tregon ribashkimin me familjen e saj

Shkruar nga Liberale

PREKËSE! U tërhoq zvarrë dhe u mor peng nga Hamas, vajza kthehet

Është një buzëqeshje që thotë se ajo është e lirë. Emily Damari përqafon nënën e saj, të dyja rrezatojnë gëzim teksa ishte në një videotelefon me vëllain e saj. Familja më në fund u ribashkua pas errësirës së robërisë së saj në Gaza.

Shtetasja britaniko-izraelite u qëllua në dorë dhe u tërhoq zvarrë nga shtëpia e saj në Izraelin jugor më 7 tetor 2023.

Ajo u plagos gjithashtu nga predha dhe pa qenin e saj Choocha të qëlluar dhe të vrarë.

PREKËSE! U tërhoq zvarrë dhe u mor peng nga Hamas, vajza kthehet

Tani, 471 ditë më vonë, 28-vjeçarja Emily ishte ndër tre pengjet e para të liruar të dielën si pjesë e marrëveshjes së shumëpritur të armëpushimit midis Izraelit dhe Hamasit.

Nëna e saj Mandy, e cila e ka kaluar atë kohë duke bërë fushatë për lirimin e saj, tani ia ka arritur qëllimit të saj për të qenë në gjendje të përqafojë sërish vajzën e saj.

Imazhet e çiftit së bashku gjatë telefonatës tregojnë Emily me një dorë të fashuar dhe dy gishta të humbur - një dëmtim i pësuar kur ajo u qëllua para se të kapej.

Zonja Damari më parë u ul në një divan me nënat e dy pengjeve të tjerë të liruar për të parë në telefon momentin që vajzat e tyre u kthyen në Izrael.

Në një deklaratë të lëshuar menjëherë pasi u konfirmua se ajo ishte kthyer në vend, ajo tha: “Pas 471 ditësh Emily më në fund është në shtëpi.

"Dua të falënderoj të gjithë ata që nuk pushuan kurrë së luftuari për Emily-n gjatë gjithë kësaj sprove të tmerrshme dhe që kurrë nuk pushuan së thënëi emrin e saj. Në Izrael, Britani, Shtetet e Bashkuara dhe në mbarë botën. Faleminderit që e sollët Emily-n në shtëpi."

Zonja Damari shtoi se ndërsa "makthi i Emily" ka përfunduar, "pritja e pamundur" vazhdon për familjet e tjera. Përshtati /Liberale.al/

 

Liberale Newsroom

Poll
SHQIPENGLISH