Një ngjarje e rëndë ka ndodhur mëngjesin e sotëm në qytetin e Tuzit, Mal i Zi, ku një shtetas shqiptar është arrestuar nën dyshimin për tentativë vrasjeje ndaj një bashkëkombasi.
Sipas njoftimit zyrtar, rreth orës 6 të mëngjesit, Shërbimi i Mjekësisë Emergjente në Tuz informoi autoritetet për një person që kishte kërkuar ndihmë mjekësore me plagë të shkaktuara nga një mjet i mprehtë. Viktima, e identifikuar si B. B, 31 vjeç, kishte pësuar një plagë në shpatullën e djathtë dhe u transportua menjëherë në Qendrën Klinike të Malit të Zi për trajtim të mëtejshëm. Mjekët konfirmuan se gjendja e tij shëndetësore është e qëndrueshme.
Pas hetimeve të shpejta, policia arriti të identifikojë autorin e dyshuar të sulmit, K. B, 40 vjeç, gjithashtu shtetas shqiptar. Sipas informacioneve, ngjarja ndodhi pas një konflikti verbal mes të dyve në një lokal në Tuz. K. B u ndalua nga forcat e rendit në zonën e quajtur Drume dhe gjatë kontrollit iu gjet një thikë, e cila dyshohet se është përdorur në ngjarje.
I dyshuari do të dërgohet në Prokurorinë e Lartë të Shtetit në Podgoricë, ku do të përballet me akuzën për “tentativë vrasjeje”.
