Kosova

Rrahën për vdekje 18-vjeçarin jetim/ Dënohen me burg dy të miturit në Podujevë

Shkruar nga Liberale

Rrahën për vdekje 18-vjeçarin jetim/ Dënohen me burg dy

Gjykata Themelore në Prishtinë ka shpallur fajtorë dy të miturit për vrasjen e 18-vjeçarit nga Podujeva, Lulzim Fejzullahu.

Bëhet me dije se dy të pandehurit janë dënuar me 19 vite burgim së bashku, ku njëri prej tyre është dënuar me 10 vjet kurse tjetri me 9. Siç raportohet xhaxhai i viktimës Rrahim Fejzullahu, nuk e priti mirë këtë vendim duke thënë se plagën e ka ende të hapur. 

Kujtojmë që më 14 janar, Lulzim Fejzullahu ishte rrahur brutalisht në Podujevë dhe pas 6 ditësh në koma, ai humbi jetën.

Prokuroria, rastin fillimisht e kishte iniciuar si vrasje në tentativë e më pas është cilësuar si vrasje. Sipas Prokurorisë, dy të miturit e kishin goditur 18-vjeçarin me shkop bejsbolli, duke shkaktuar lëndime trupore, ku si pasojë e këtyre lëndimeve të marra, viktima ishte dërguar në QKUK.

Liberale Newsroom

Poll
SHQIPENGLISH