Kosova

Ministri i Mbrojtjes i Kosovës jep alarmin: Tre brigada serbe afër kufirit

Shkruar nga Liberale

Ministri i Mbrojtjes i Kosovës jep alarmin: Tre brigada serbe afër

Ministri i Mbrojtjes i Kosovës Ejup Maqedonci ka dhënë alarmin për destabilitet në Ballkanin Perëndimor. Në një intervistë për Ditarin e Kosovës në A2 CNN, ai tha se tri brigada serbe janë shumë afër kufirit me Kosovën, duke përbërë një kërcënim për paqen dhe sigurinë jo vetëm ën rajonin ballkanik por edhe më gjerë. Sipas tij Serbia po rrit buxhetin për mbrojtjen dhe me armatime nga Rusia, Kina e Irani.

Kryeministri Kurti e ka thënë shumë herë që militarizimi i Serbisë paraqet kërcënim të përhershëm për paqen e stabilitetin jo vetëm për Ballkanin Perëndimor, por edhe më gjerë. Ky militarizim po bëhet në vazhdimësi. Kemi një rritje të buxhetit për mbrojtjen në Serbi. Një pajisje me sistem armatimi nga Rusia, Kina e Irani. Një zbarkim i trupave serbe jo larg territorit tonë tre nga 4 brigada serbe janë vendosur në jug të Serbisë, jo shumë larg kufirit me Kosovën. Këto 3 brigada kanë tejzgjatje operacionale 28 baza ushtarake dhe 20 të xhandarmërisë që janë në distancë nga 300 metra deri 5 km larg kufirit të Kosovës. Duke i shtuar mbështetjes që i kanë dhënë grupit të Raidoçiç vitin e kaluar më 24 shtator në tentativën e tij, për të aneksuar pjesë nga territori ynë, ne vlerësojmë që Serbia vazhdon të jetë kërcënim për paqen dhe sigurinë, jo vetëm për Ballkanin perëndimor, por edhe më gjerë”.

Liberale Newsroom

Poll
SHQIPENGLISH