Kosova

"Kosovës të mos i avancohet statusi", mesazhi i Serbisë në letrën drejtuar Asamblesë Parlamentare të NATO-s

Shkruar nga Liberale

"Kosovës të mos i avancohet statusi", mesazhi i Serbisë

Instituti Ndërkombëtar për Sigurinë me qendër në Beograd i bëri thirrje përmes një letre Asamblesë Parlamentare të NATO-s që të mos e miratojë statusin e Kosovës si një anëtare e asociuar e organizatës në seancën që pritet të mbahet të premten. Në këtë letër, Serbia pretendon se dhënia e statusit për Kosovën do të ishte një vendim i dëmshëm.

“Si një organizatë eksperte që përfaqëson dhe promovon integrimin euroatlantik dhe vlerat e tij për dy dekada, duke përfshirë anëtarësimin e vendeve të Ballkanit Perëndimor në NATO, Instituti Ndërkombëtar i Sigurisë beson se dhënia e statusit të një anëtari të asociuar për Kosovën do të ishte i dëmshëm si për Asamblenë Parlamentare të NATO-s dhe veçanërisht për proceset e stabilizimit dhe integrimit euroatlantik në Ballkanin Perëndimor”, thuhet në letër, sipas agjencisë së lajmeve Beta.

Aplikimi i Republikës së Kosovës për të qenë anëtare e asociuar në Asamblenë Parlamentare të NATO-s do të jetë në axhendën e takimit që ky institucion do ta mbajë nga 25 deri më 27 maj në Sofje të Bullgarisë.

Liberale Newsroom

Poll
SHQIPENGLISH