Kosova

Del dëshmia e plotë e Kushtrim Kokallës: Para 1 viti Naim Murseli më luti të vrisja Liridonën, ja çfarë i thashë

Shkruar nga Liberale

Del dëshmia e plotë e Kushtrim Kokallës: Para 1 viti Naim Murseli

Kushtrim Kokalla, i arrestuar i tretë si i dyshuar për përfshirje në vrasjen e Liridona Ademajt, ka pranuar se Naim Murseli e ka lutur atë prej afër një viti që ta kryejë vrasjen e gruas së tij, Liridonës.

Ai ka deklaruar para gjykatës se Naim Murseli e ka planifikuar edhe më herët vrasjen e gruas së tij, për çfarë i ka ofruar edhe para Kokallës për ta përfunduar planin e tij.

Kokalla, pjesëtar i Forcës së Sigurisë së Kosovës dhe njëherësh familjar i Naim Murselit, mohon të ketë pranuar këtë punë nga Murseli, për çfarë thotë se i ka bërë thirrje që mos te bëjë asnjëherë.

“Vlen të përmend se Naimi prej afër një viti mua më ka lutur që të e kryej këtë vrasje. Atëherë unë i kam thënë se nuk vjen në shprehje që të bëj këtë punë dhe mos më thuaj më asnjëherë”, thuhet në dëshminë e Kokallës.

Në dëshminë e tij, Kokalla pranon se Naim Murseli e dorasi i Liridona Ademajt, Granit Plava, janë takuar përmes tij, por mohon që të ketë gisht në ekzekutimin e saj.

 

Liberale Newsroom

Poll
SHQIPENGLISH