Ushtria izraelite ka lëshuar një paralajmërim urgjent për banorët civilë të Teheranit, duke i kërkuar që të largohen menjëherë nga një zonë e caktuar e kryeqytetit iranian.
Përmes një postimi në rrjetin X, zëdhënësi i Forcave të Mbrojtjes të Izraelit (IDF), Avichay Adraee, njoftoi se në orët në vijim do të ndërmerren veprime ushtarake në këtë pjesë të qytetit. Ai shtoi se këto operacione kanë për qëllim të godasin infrastrukturën ushtarake të regjimit iranian.
Në postim është bashkangjitur edhe një hartë që tregon zonën që duhet evakuuar, e cila ndodhet në distriktin e tretë të Teheranit.
“Prania juaj në këtë zonë rrezikon jetën tuaj,” thuhet në fund të paralajmërimit, duke theksuar seriozitetin e situatës.
