Një çift i porsamartuar nga Cesa, në provincën e Caserta, është zhdukur që nga e marta, vetëm katër ditë pas martesës. Kryebashkiaku i së njëjtës bashki, Enzo Guida, bën apel për zhdukjen e Maria Zaccaria dhe Pietro Montanino, të cilët kanë publikuar foto në Facebook ditën e ceremonisë civile.

“Të premten (25 tetor) – thotë Guida – i bashkova në martesë, në bashki, me një ceremoni civile, të martën u zhdukën, u larguan, pa lënë asnjë gjurmë.”

Paralajmërimi doli fillimisht edhe në rrjetet sociale paraditen e së mërkurës nga familja Maria Zaccaria dhe Pietro Montanino, banorë të Cesas ku ata jetojnë rreth orës 17:00, për të njoftuar motrën e tyre se kishin pasur një ngjarje të papritur dhe ishte e nevojshme të shkonin të merrnin fëmijën nga fusha e futbollit. Që nga ai moment, telefoni i Pietros ishte i padisponueshëm dhe i lënë në shtëpi. Ndaj dhe apeli i kryebashkiakut: “Kush ka lajme, nëse dikush i ka parë, nëse rastësisht i takoni, ju lutemi të lajmëroni menjëherë në polici".