Kandidati republikan për president të SHBA-ve, Donald Trump, ka rënë dakord me rrjetin televiziv "Fox News", për t’u angazhuar në një debat me zëvendëspresidenten demokrate Kamala Harris më 4 Shtator.
“Rregullat do të jenë të njëjta me debatin tim me Joe, i cili u trajtua tmerrësisht nga partia e tij, por me një audiencë të madhe”, tha Trump, duke iu referuar Presidentit Joe Biden, i cili që atëherë është tërhequr nga fushata për rizgjedhjen e tij.
Postimi u hoq dhe u zëvendësua disa minuta më vonë me një të ri, me Trump që fshiu propozimin për një ngjarje “të madhe” ‘Town Hall’ (dmth një me një audiencë që bën pyetje) në të njëjtën datë nëse Harris nuk është e gatshme ose nuk është në gjendje të marrë pjesë në debat.
Kamala Harris ishte përgjigjur muajin e kaluar se ishte gati kur Fox News sugjeroi një debat presidencial më 17 shtator midis dy kandidatëve.
Pasi Biden u tërhoq nga gara presidenciale më 21 Korrik dhe miratoi Harris, Trump tha se nuk do të angazhohej në një debat me të, sepse ajo nuk është kandidatja zyrtare e partisë së saj.
