Sipas mediave të huaja, njerëz nga fushata e Trump të dielën thanë se ish-presidenti Trump është “i sigurt, pas të shtënave me armë në afërsi të tij”.
“Presidenti Trump është i sigurt pas të shtënave me armë zjarri në afërsi të tij. Nuk ka detaje të tjera për momentin”, tha në një deklaratë zëdhënësi i fushatës së Trump, Steven Cheung.
Mediat në SHBA raportojnë se të shtënat kanë ndodhur pranë fushës së golfit të zotit Trump në Palm Beach, Florida, ndërkohë që ende nuk ka asgjë të konfirmuar.
Kujtojmë se Trump mbeti i plagosur pas një atentati me armë zjarri në 13 korrik, ku njëri prej plumbave e kapi në vesh.
