Donald Trump po mban fjalimin e parë në Florida, teksa po shkon drejt fitores si president i SHBA-ve.

Trump premtoi se kjo do të jetë periudha më e artë e Amerikës dhe se do ta bëjë vendin që të shërohet.

Ndërkohë, ka nisur edhe festa e republikanëve, ndërsa pritet që ai të jetë presidenti i i 47-të i Shteteve të Bashkuara të Amerikës. 

"Është një fitore që askush nuk e ka parë më parë. Kjo nuk ka ndodhur kurrë më parë në këtë vend. Ne do të rregullojmë problemet në vend, do të rregullojmë kufijtë, ne bëmë histori sot. Shihni çfarë ndodhi? A nuk është çmenduri?

Unë do të luftoj për çdo familje, për të ardhmen tuaj, do të luftoj çdo ditë. Nuk do të pushoj derisa të kemi vendin e sigurt dhe të begatë që meritojmë. Do të jetë epoka e artë e SHBA. Ne do ta bëjmë Amerikën të mrekullueshme përsëri.

Ka shumë dashuri në këtë dhomë. Partnerët e mi ndihmuan për ta bërë atë një udhëtim të mrekullueshëm. Ky grup njerëzish të mrekullueshëm. SHBA-ja na dha një mandat të papritur, për të kontrolluar edhe Senatin".- tha Trump.