Globi

Presidenti kinez XI Jinping mbërrin sot në Francê, e para vizitë e tij në Europë që nga viti 2019

Shkruar nga Liberale
Presidenti kinez XI Jinping mbërrin sot në Francê, e para

Presidenti kinez, Xi Jinping do të mbërrijë sot në Paris, ku do të zhvillojë një vizitë të rrallë zyrtare, me homologun e tij francez Emmanuel Macron.

Ky i fundit, sipas medieve të huaja, pritet t’i bëjë presion atij, që të reduktojë mosmarrëveshjet tregtare midis Kinës dhe BE-së dhe ta bindë atë të përdorë ndikimin e tij me Rusinë në luftën në Ukrainë.

Por asnjë nga objektivat e nësipërme nuk duket i lehtë, me vizitën e Xi,  ndërsa tensionet midis vendit të tij dhe BE-së mbi tregtinë janë përshkallëzuar.

Aktualisht Parisi po mbështet një hetim europian për eksportet e automjeteve elektrike nga Kina dhe në janar Pekini nisi një hetim për importet kryesisht nga Franca, një lëvizje që shihet gjerësisht si hakmarrje për hetimet europiane.

Theksojmë se kjo është vizita e parë e presidentit kinez në Europë që nga viti 2019 dhe pas Francës, nga e mërkura në të premte, ai do të vizitojë Serbinë dhe Hungarinë, dy vende që kanë mbajtur lidhje të ngushta me Moskën që nga pushtimi i saj në Ukrainë.

Presidenti kinez do të pritet në orën 16:00 nga kryeministri francez Gabriel Atal. Të hënën, është 60 vjetori i marrëdhënieve diplomatike mes Francës dhe Kinës dhe do të ketë takime me Macron dhe presidenten e Komisionit Evropian, Ursula von der Leyen.

Të martën presidenti francez do të vizitojë me homologun e tij kinez, së bashku me bashkëshortet e tyre, Pirenejtë, një rajon veçanërisht i dashur për të, pasi është vendi i origjinës së gjyshes së tij nga nëna.

Liberale Newsroom

Poll
SHQIPENGLISH